Málið um sekt til Bakkafrost til Statsadvokatin

Málið um sekt til Bakkafrost til Statsadvokatin
Ákæruvaldið hevur viðgjørt málið, og hevur gjørt fyribils niðurstøðu
Málið byrjaði í 2021, tá Heilsufrøðiliga starvsstova vildi geva Bakkafrosti sektaruppskot.
 
21.03.2025 - 12:20

Ákæruvaldið fer nú at senda Statsadvokatinum málið um sektina hjá Bakkafrosti.

Statsadvokaturin hevur biðið um at síggja málið, tí tað hevur verið so ofta í fjølmiðlunum.

Málið er gamalt. 

Tað byrjaði í 2021, tá Heilsufrøðiliga starvsstova vildi geva Bakkafrosti sektaruppskot.

Heilsufrøðiliga starvsstovan læt fútanum málið í 2022. 

Ákæruvaldið hevur viðgjørt málið, og hevur gjørt fyribils niðurstøðu.

 

Katrin Thorsvig Hansen.

 

Vil einki siga

Katrin Thorsvig Hansen, høvuðsákæri, vil ikki siga, hvør niðurstøðan hjá teimum er.

Heldur ikki vil hon siga, hvussu stór ein møgulig sekt sambært ákæruvaldinum skal vera.

Tá, fyri sløkum fýra árum síðani, var tosað um 67 mió. kr.

Statsadvokaturin kann gera viðmerkingar um tað, sum hann fær frá ákæruvaldinum í Føroyum.

Men ákæruvaldið hevur endaligu avgerðina, sigur Katrin Thorsvig Hansen.
 

Er kopiera
Nýggjastu sendingar í ÚV
Týsdag 10. juni
Morgunlestur týsdagur 10.juni 2025
192950
Mánadag 9. juni
Poppverturin
193018
Mánadag 9. juni
Morgunlestur mánadagur 9.juni 2025
192949
Nýggjastu sendingar í SV
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979
Leygardag 7. juni
Dagur og vika - teknmálstulkað
192956