Yvirfriðingarnevndin góðkent byggiætlanina hjá Varðanum Pelagic

Yvirfriðingarnevndin hevur góðkent ætlanina hjá Varðanum Pelagic at útbyggja á Tvøroyri.

Hon hevur eisini góðkent byggingina, sum er gjørd har síðani 2013.

Yvirfriðingarnevndin staðfestir, at økið hevur havt havna- og vinnuligan dám.

Hon sigur, at útbyggingin ikki fer at skerja landslagið, ella fer at skerja nógv almenna útsýnið.

Umhvørvisgóðkenning frá landsstýriskvinnuni

Nú Yvirfriðingarnevndin hevur góðkent verkætlanina á Tvøroyri, verður bíðað eftir umhvørvisgóðkenningini, sum landsstýriskvinnan í umhvørvismálum viðger.

Tí umhvørvisgóðkenningin, sum Umhvørvisstovan gav, var kærd.

Tvøroyrar býráð hevur einmælt samtykt at geva Varðanum Pelagic byggiloyvi.

Í verkætlanin verður havnarøkið víðkað 9.000 fermetrar. Har skal millum annað byggjast ein 60 metra høgur skorsteinur.