Amerikanarar avlýsa at vitja grønlendingar

Amerikanarar avlýsa at vitja grønlendingar
Vitjanin í Nuuk og vitjanin á hundasletukappingini í Sisimiut eru eftir á øllum at døma avlýstar. Í staðin vitja varaforsetahjúnini amerikanska herstøð í Grønlandi
Tað vera nú, eftir øllum at døma, bara varaforsetin og konan, sum vitja Grønland fríggjadagin
 
25.03.2025 - 21:19

Tað vera nú bara varaforsetin, JD Vance og konan, Usha Vance, ið vitja Grønland fríggjadagin. Upprunaliga boðaðu amerikanarar frá, at sletuhundakappingin í Sisimiut var osøkin til, at Usha Vance kom til Grønlands at vitja. Men tann vitjanin er avlýst. Tað boða Hvítu Húsini frá í kvøld.

Sambært upplýsingum hjá grønlendska blaðnum, Sermitsiaq, so er ætlaða vitjanin í Nuuk eisini avlýst. Tí verður bara talan um at vitja amerikanska Pituffik Space Base, sum er gamla Thule støðin, har amerikanarar í løtuni hava herstøð.

Lotte Mejlhede, korrespondentur hjá danska TV2 í USA, sigur seg vita frá keldum, at nú vera tað bara JD Vance og Usha Vance, sum koma til Grønlands. Hennara keldur vilja vera við, at vitjanin hjá serliga trygdarráðgevanum, Mike Waltz, og orkumálaráðharranum, Chris Wright, eru avlýstar.

Er hetta rætt, so fara amerikansku gestirnir ikki at síggjast millum grønlendska fólkið á hesum sinni.

Er kopiera
Nýggjastu sendingar í ÚV
Mánadag 12. mai
NSÍ var leikliga betri, men KÍ vann
191761
Mánadag 12. mai
Góðan morgun Føroyar
191749
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Nýggjastu sendingar í SV
Mánadag 12. mai
Anna FD 564 - teknmálstulkað
191741
Sunnudag 11. mai
Møti úr Stranda missiónshúsi
191725
Sunnudag 11. mai
Andakt
191720
Leygardag 10. mai
Dagur og vika - teknmálstulkað
191687