Fýra flokkar skipa samgongu í Grønlandi

Grønlendingar fáa í dag nýtt landsstýri, og talan verður um eina stóra samgongu.

Tað er bara flokkurin Naleraq, sum ikki er partur av nýggja landsstýrinum.

Flokkarnir í landsstýrinum eru borgarligu flokkarnir Demokraatit og Atassut, og vinstrahallu flokkarnir IA og Siumut.

Teir hava tilsamans 23 sessir í landstinginum. Naleraq, sum verður í andstøðu, hevur átta tingsessir. 

Jens-Frederik Nielsen, formaður í flokkinum Demokraatit, verður nýggjur landsstýrisformaður.

Demokraatit var heilt stóri vinnarin á landstingsvalinum 11. mars, og fekk sløk 30 prosent av atkvøðunum.

Nýggja grønlendska landsstýrið verður skipað klokkan 13, føroyska tíð.