Nýtt røktarheim í Hoyvík fyri 300 milliónir kr.

Røktarheimið við Stórubrekku í Hoyvík fer at kosta næstan 300 mió. kr.

Tórshavnar býráð hevur tikið av tilboði frá Articon, sum er 296 milliónir og 270.627 kr. uttan meirvirðisgjald. 

Fimm tilboð komu. 

Í heiminum vera 64 búpláss og dagtilboð til 50 fólk, sum búgva heima.

Røktarheim í Hoyvík

Harumframt vera 16 røktaríbúðir til einstaklingar og pør.

Metta byggitíðin er tvey ár og átta mánaðir. 

Arbeiðið skal byrja í vár og vera liðugt í seinnu helvt av 2027.

Byggingin verður 6.700 fermetrar.