Michael vil menna DJ-mentan í Føroyum

Í 10 ár virkaði Michael Anthony Charles Johannesen sum DJ í Keypmannahavn. Tað var eitt livandi umhvørvi við náttklubbum, barrum, festivalum og einum sterkum felagsskapi, ið knýtti seg at DJ-mentan og elektroniskum tónleiki.

Tá Michael flutti til Føroya, fekk hann ein mentanarskelk, tí her var snøgt sagt einki DJ-umhvørvi. Í náttklubbunum vart tú noyddur at spæla hittini, sum fólki kendi og vildi syngja.

Sum fráleið misti Michael hugin at diska, og hann ætlaði at gevast. Men so fór hann at lurta eftir poddum og hyggja at dokumentarum um, hvussu DJ-umhvørvið byrjaði aðrastaðni.

Tá skilti Michael, at næstan allar rørslur byrja við einum slagi av uppreistri - einari trongd til at skapa nakað nýtt og flyta mørk.

Nú er Michael Anthony Charles Johannesen farin undir skeið, har hann undirvísir áhugaðum í DJ-kynstrinum.

Áhugin hevur verið nógv størri, enn hann hevði roknað við.