Sjófeingi: Størri samstarv millum vinnuna og granskingarstovnar

Føroyar eru fiskivinnutjóð og eiga at leggja størri dent á nýskapan, virðisøking og meirvirking av tilfeinginum.

Tað hava grannalond okkara gjørt.

Tillagingin av skipanini við fiskivinnuroyndum er fyrsta stig á leiðini. Ætlanin næstu árini er at menna skipanina við stuðli til vinnuligar verkætlanir í gransking, menning og nýskapan. 

Skulu vit koma á mál, krevst neyvt samstarv millum vinnuna, granskingarstovnar og landið.

Tað segði Jóhan Christiansen, landssstýrismaður í fiskivinnu- og samferðslumálum, millum annað, tá hann legði árligu frágreiðingina um sjófeingi fram í gjár.

Løgtingið skal hava aðalorðaskifi um hana í morgin.

Pelagos, makrelur

Landingarvirðið á makreli, sild og svartkjafti í fjør var slakar fýra milliardir kr.

643.000 tons

Føroysk skip landaðu í fjør okkurt um 643.000 tons undan Føroyum og av øðrum leiðum í norðuratlantshavi.

Ein stórur partur, góð 562.000 tons, vóru makrelur, sild og svartkjaftur.

Samlaða avreiðingarvirðið var oman fyri 3,9 milliardir krónur.

Okkurt um 2,3 milliardir krónur vóru avreiðingarvirði frá makreli, sild og svartkjafti, meðan toskur, hýsa og upsi stóðu fyri umleið 1,1 milliard.