Bjørn: - Átti at verið farin aftur til Ukraina fyri hálvum ári síðani

Bjørn Kallsoy, sum frá 2023 til apríl í fjør bardist á hermótinum í Ukraina, hevur nú gjørt av at fara yvir aftur til Ukraina at hjálpa til

Bjørn Kallsoy hevur nú tikið avgerð at fara yvir aftur til Ukraina at hjálpa til. Hann gjørdi eisini hertænastu í Ukraina frá á sumri í 2023 til í apríl í fjør

Mynd: Sigurjón Einarsson

Sigurjón Einarsson

10.04.2025 - 17:55

Tað eru 1.141 dagar síðan, at Russland tann 24. februar í 2022 gjørdi innrás í Ukraina.

Bjørn Kallsoy, føroyskur hermaður í Ukraina, sum seinasta árið hevur verið heima í Føroyum, hevur nú gjørt av at fara yvir aftur til Ukraina.

Bjørn Kallsoy - ella "Viking", sum hann verður nevndur í sínari herdeild, hevur allatíð havt samband við sína herdeild í Ukraina.

Hóast Bjørn nú fer yvir aftur til Ukraina, so væntar hann ikki, at kríggið endar við bræði.

Bjørn Kallsoy hevur fingið tríggjar medaljur fyri sína tíð í Ukraina. Eina fyri at fremja bragd, eina fyri drúgva tænastu og eina fyri at koma aftur í hertænastu, eftir at hava verið særdur.

Bjørn fer væntandi yvir til Ukraina einaferð síðst í mai ella fyrst í juni mánaði, sigur hann.

Hoyr innslag í tíðindunum á nátturða her:

Bjorn_Kallsoy_kl_18

Ein longri samrøða við Bjørn Kallsoy kann hoyrast her:

Bjorn_Kallsoy_-_oll_samrodan