- Tíðindi, mentan og ítróttur
Amerikanskur sendimaður hittir russiska forsetan í dag
Amerikanskur sendimaður hittir russiska forsetan í dag
Talsmaðurin í Kreml sigur, at stór framstig verða neyvan gjørd á fundinum
Steve Witkoff er serligur sendimaður hjá Donald Trump, forseta.
Mynd: Reuters/Ritzau Scanpix
11.04.2025 - 14:56
Serligi sendimaðurin hjá Donald Trump, forseta, Steve Witkoff, fer at hitta russiska forsetan, Vladimir Putin, í dag.
Tað skrivar almenna russiska tíðindastovan, Tass.
Dmitry Peskov, talsmaður í Kreml, sigur, at Putin og Witkoff fara at tosa um kríggið millum Russland og Ukraina.
Peskov sigur, at spurningurin um, at Donald Trump og Putin skulu hittast, kanska eisini verður umrøddur.
Dentur verður kortini lagdur á, at eingi stór framstig skulu væntast á fundinum í dag.
Steve Witkoff hevur fingið ein týdningarmiklan leiklut í uttanríkispolitikkinum hjá Trump.
Umframt at vera sendimaður hjá amerikanska forsetanum í Miðeystri, stendur Witkoff eisini á odda fyri samráðingunum hjá USA við bæði Russland og Ukraina.
Er kopiera
Nýggjastu sendingar í ÚV
Nýggjastu sendingar í SV
