HSF harmast - lutakast verður um tey seinastu 400 atgongumerkini

So stórur eftirspurningur var eftir atgongumerkjum til manslandsdystin millum Føroyar og Ukraina, at ólag kom á telduskipanina, men nógv keyp eru kortini avgreidd

Gravgangur er eftir atgongumerkjum til dystirnar hjá hondbóltslandsliðunum í høllini við Tjarnir.

Mynd: Bjarni Árting Rubeksen

Sigrún H. Brend

11.04.2025 - 13:31

Hondbóltssambandið harmast, at atgongumerkjaskipanin til manslandsdystin Føroyar - Ukraina ikki megnaði at handfara stóra eftirspurningin í morgun.

Stóri áhugin gjørdi, at ólag lkom á skipanina eftir fáum minuttum. Nógv keyp vóru tó avgreidd, og hesi atgongumerki eru enn galdandi. Er peningur tikin av gjaldskortinum, men atgongumerki ikki móttikin á telduposti, verða fólk biðin um at senda ein teldupost til Hondbóltssambandið.

Andrass Thomsen

Frítekst tagging:

Andrass Thomsen

HSF – Hondbóltssamband Føroya

Andrass Thomsen er stjóri í HSF. (Mynd: Bjarni Árting Rubeksen)

Hondbóltssambandið skipar fyri lutakasti um tey 400 atgongumerkini, sum eru eftir at selja, til manslandsdystin Føroyar - Ukraina, nú skipanin hjá atgongumerki.fo ikki megnaði at handfara stóra eftirspurningin.

Hoyr samrøðu við Andrass Thomsen, stjóra í Hondbóltssambandinum, í útvarpstíðindunum:

11042025_Atgongumerki_og_krassj

Møguleiki er at skriva seg upp til í mesta lagi tvey atgongumerki, sigur HSF.