Lúkan fekst ikki heilt aftur

Ringa veðrið, tungur sjógvur og stabiliteturin hjá skipinum gjørdu, at línuskipið Kambur sakk 6. februar í fjør, 17 fjórðingar sunnan fyri Føroyar.

Sjógvur kom í skipið gjøgnum eina lúku í bakborði, sum ikki fekst heilt aftur, tí annar skinnarin, sum lúkan var í, var skaddur og forðaði fyri tí.

Tað er niðurstøðan hjá donsku skaðanevndini.

Sjógvur kom so skjótt í skipið, at manningin fekk ikki steðgað honum. Slagsíðan vaks tí skjótt.

16 mans vóru við Kambi. Tveir teirra komu ikki afturíaftur.