Hondbóltsmenninir: Danmark, Norra og Holland bjóða av

Mest sannlíkt skal føroyska manslandsliðið í hondbólti skal spæla í upphitingarkappingini Golden League í heyst, har Danmark, Norra og Holland bjóða av.

Við sannførandi sigri á Ukraina við Tjarnir tryggjaði Føroyar sær fyrsta plássið í bólkinum frammanfyri Hollandi, og pláss í næstovasta styrkisbólki av fýra, tá EM-lutakastið verður hósdagin.

Men fyrireikingarnar til EM-endaspælið eru longu byrjaðar, og tí kemur tað væl við, at Føroyar eru bodnar til kappingina, sum verður frá 27. oktober til 2. november. Hondbóltssambandið bíðar í løtuni eftir endaligari váttan, men sum skilst, er hetta ein formalitetur. 

Harumframt bendir nógv á, at Føroyar skulu spæla venjingardystir ímóti Italia í Føroyum í januar. Um londini koma í sama bólk til EM, verður eitt nýtt mótstøðulið helst funnið.

Hetta segði landsliðsvenjarin, Peter Bredsdorff-Larsen, um fyrireikingarnar til EM eftir sigurin á Ukraina við Tjarnir