Escape Room í Føroyum

Ein loyndarfullur brotsmaður hevur boðað frá einari óhugnaliga ætlan fyri býin. Tit eru eitt servant toymi, ið má avdúka ætlanina hjá brotsmanninum og steðga honum, áðrenn tað er ov seint!

Soleiðis ljóðar uppgávan, sum skal loysast í einum sokallaðum "Escape Room", sum nú ber til at uppliva í Føroyum. Eitt føroyskt heiti kundi møguliga verið "rýmingarrúm".

Hvat er eitt Escape Room?

Í grundini eru rýmingarrúm fordjúpandi lið-avbjóðingar, ið eggja til samstarv, loysan av gátum og at finna loynilig spor fyri at røkka einum máli. Rýmingarrúm eru stuttlig, avbjóðandi og geva eina liðuppliving, ið er lík ongum øðrum.

Tað er Ingi Elmelund Petersen, sum hevur tikið stig til nýggju upplivingina.

- Mær dámar væl brettspæl og gátur. Sjálvur havi eg roynt eini tíggju ymisk escape rooms og havi leingi hugsað um at fáa konseptið til Føroya.

Frá 20. mai ber til at bíleggja sær eina uppliving á www.escape.fo.

Ingi Elmelund Petersen vitjaði morgunsendingina. Hoyr alla samrøðuna her: