Róðrarfelagið hevur alstóran týdning fyri økið

Nýggju tunlarnir hava stóran týdning fyri Hvannasunds kommunu, sigur borgarstjórin, Karl Vilhelm Hansen. Eitt nú hava tunlarnir við sær, at fólk, sum skulu byggja, hava fleiri veitarar í at velja, tí nú kunnu allir teir stóru bilarnir koyra norður. Við gomlu tunlunum var tað eisini soleiðis, at tað vóru nógvir bilførarar, ið ikki tordu at koyra ? hetta var ein fløskuhálsur.

Í løtuni verður høvuðsvegurin gjøgnum Hvannasund breiðkaður, samstundis sum ein útstykking og ein nýggjur vegur eru gjørd undir Gerðhamri. Og har er pláss sett av til bæði sethús og íbúðarbygging. Áhugin fyri at byggja í kommununi er eisini vorðin størri, síðani nýggju tunlarnir vórðu tiknir í nýtslu, sigur borgarstjórin.

Nýtt róðrarneyst og motorsavn

Tað er ein sjálvsognarstovnur, sum arbeiður við ætlanini um at byggja eitt nýtt róðrarneyst og eitt bátasavn, har ið stigtakararnir eru NHR og Norðoya Motorsavn. Og hetta kann fáa stóran týdning fyri kommununa. Ætlanin er, at hetta verður eitt fjølbroytt hús, sum øll í kommununi kunnu fáa gagn av.

Og samanhaldið er stórt, tá talan er um kappróðurin, sum hevur stóran týdning fyri okkum, sigur borgarstjórin, sum eisini er sera spentur uppá hetta kappróðrarárið, har ið NHR hevur mannað tríggjar bátar: Norðing, Sundabátin og Rituna, sum verður mannað við einari barnamanning.

Hesi eru millum evnini, sum verða umrødd í samrøðuni við borgarstjóran í Hvannasunds kommunu, Karl Vilhelm Hansen, sum kann hoyrast her: