Countryfestivalurin byrjaði í gjárkvøldið

Lagið var gott á fólki, tá festivalurin byrjaði í gjárkvøldið, sigur Jóhan Petur á Stongum, sum er formaður í nevndini fyri Countryfestivalin. Her mundu vera eina 1400-1500 fólk tilsamans, og tað var stúgvandi fult av fólki til bæði pubquizzina og hugnaløtuna við felagssangi. Og tá kom eisini Nathan Carter Band á gátt fyri at merkja huglagið millum gestirnar.

Í kvøld verður eitt nú línudansur á skránni, Uni Debes & The Tomcats fara at spæla, eins og Hallur Joensen, Tórfríð Tavsen, Nathan Carter, Son of Fortune, Vágaverk og FourMenh eisini fara á pallarnar báðar.

Eftir at festivalurin er settur leygardagin, verða konsertir við Garpum, Lokalum røddum, Kristinu Bærendsen, Blátt Gras, Chapel Hart, Magna Christiansen, Tinganest og Strámenn.

Tú kanst hoyra alla samrøðuna við Jóhan Petur á Stongum her!