Vakmyndatól sett á vakmyndatól

Dátueftirlitið fer nú at kanna, um vakmyndatól vera brúkt rætt.

Dáturáðið hevur samtykt eina eftirlitisætlan fyri seinna hálvár.

Sambært lógini skulu øll vakmyndatól skrásetast hjá Dátueftirlitinum. 

Harumframt skal øll viðgerð av persónsupplýsingum úr vakmyndatólum lúka krøvini í dátuverndarlógini.

Dátueftirlitið fer á eftirlitisvitjan hjá fyritøkum og stovnum, sum brúka vakmyndatól.

Dátueftirlitið fer at kanna, um viðgerðin lýkur krøvini í dátuverndarlógini.

Dátueftirlitið fer eisini at senda út spurnarskjøl um viðgerðartrygd. 

Dátueftirlitið fer serliga at leggja dent á at kanna, um dátuábyrgdarar hava gjørt eina nøktandi váðameting og eina nøktandi mannagongd fyri at handfara trygdarbrot.