- Vit verða noydd at fyrihalda okkum til, at tøknin hevur yvirhálað okkum

- Skal vitlíki fáa durafjórðingin í undirvísingini ella gerast partur av henni?

Tvístøðuna spyr Hanna Jensen, tingkvinna fyri Framsókn og miðnámslærari, í sambandi við skrivligan fyrispurning til landsstýrismann í barna-og útbúgvingarmálum, Djóna Nolsøe Joensen.

Vitlíki hevur broytt próvtøkuhættir so mikið nógv, at tað má kannast nærri um verandi skipanin er nøktandi, sigur Hanna Jensen, sum er stúrin um innlæringina hjá næmingunum.

Hon leggur dent á, at tað nyttar ikki at hyggja hvat grannalondini gera, tí vit mugu finna loysnir í Føroyum.

Djóni Nolsøe Joensen, landsstýrimaður, hevur átta dagar at svara fyrispurninginum frá Honnu Jensen.

Hoyr samrøðu við Honnu Jensen: