Frítekst tagging:
- Tíðindi, mentan og ítróttur
Jónas og Oddvør runnu seg í 200 metur finalurnar
Jónas og Oddvør runnu seg í 200 metur finalurnar
Jónas G. Isaksen og Oddvør Josephsen runnu seg í finalurnar í 200 metur renning, meðan Dánjal Dahl Ljósheim og Margit Weihe Fríðmundsdóttir vóru ov stutt
Jónas G. Isaksen hevði fult tamarhald á, tá hann rann seg víðari úr innleiðandi riðlinum í 200 metrum. Hann vann eisini sína hálvfinalu seinni
Mynd: Dánial Olsen
15.07.2025 - 22:11
Jónas Gunnleivsson Isaksen skal renna finaluna í 200 metrum í annaðkvøld.
Tað var greitt fyrr í kvøld, tá hann vann sína hálvfinalu á Picky-leikvøllinum í Kirkwall frammanfyri stórari áskoðarafjøld.
Kvívíkingurinkom á mál við tíðini 22.43 sekund frammanfyri Tyler Johnson og Julius Holmberg. Dánjal Dahl Ljósheim endaði nummar fýra, og tíðin rakk ikki tilfinalupláss.
Í hinari hálvfinaluni vístu Sebastia Pons Triay av Menorka og Jamie Oldham úr Jersey, at teir ætla at bjóða av um gullið í morgin. Teir høvdu báðir skjótari tíðir enn Jónas G. Isaksen í hálvfinalunum.
Margit Weihe Fríðmundsdóttir var ov stutt til finalupláss, har Oddvør Josephsen verður føroyska umboðið í morgin (Mynd: Dánial Olsen).
Oddvør eisini í finaluna
Oddvør Josephsen rann seg í 200 metur finaluna við kvinnum, tá hon endaði á 3. plássi í sínum hálvfinaluriðli. Hon vann sær finalupláss, tí tíðin upp á 25.95 sekund var nóg góð.
Margit Weihe Fríðmundsdóttir rakk ikki finaluplássi. Hon endaði á 5. plássi í síni hálvfinalu við tíðini 26.44.
200 metur finalurnar vera í annaðkvøld klokkan 18.30 (kvinnur) og 18.50 menn.
Er kopiera
Nýggjastu sendingar í ÚV
Nýggjastu sendingar í SV
