Vístur av Tórsvølli, tá hann royndi at øsa Brøndby-fjepparar

Ein maður var vístur av Tórsvølli, tá HB og Brøndby spældu í gjárkvøldið.

Hetta var tíðliga í seinna hálvleiki.

Hann royndi at øsa upp fjeppararnar hjá Brøndby við einum plaggi.

Fyrst var hann biðin um at lata plaggið frá sær. 

Tað vildi hann ikki. So var hann biðin um at fara.

Føroyingar handtiknir

Triggjar handtøkur vóru. Allir teir handtiknu vóru ungir føroyskir menn.

Tann eini skal í grundlógaravhoyring í dag fyri at spýta á ein politist. 

Hinir vóru tiknir fyri at bróta skilhaldsreglurnar.

Og ein brøndbyfjeppari var fekk durafjórðingin í Glitni.

Yvirhøvur friðarligt

Annars var yvirhøvur friðarligt, eisini eftir dystin, tá Brøndbyfjepparnir fóru oman aftur á Skálatrøð.

Nakað av málageipan var, tá skeinkistøðini lótu aftur klokkan tvey.

Politiið verður á flogvøllinum, nú Brøndbyfólkini fara heim í dag.