- Tíðindi, mentan og ítróttur
Nýggjur grønlendskur flokkur vil loysa frá Grønlandi
Nýggjur grønlendskur flokkur vil loysa frá Grønlandi
Stovnarin sigur, at Eysturgrønland er støðugt meira avbyrgt og niðurraðfest
Mike Nicolaisen, sum hevur tikið stig til nýggja flokkin, sigur, at Eysturgrønland er niðurraðfest og gloymt.
Mynd: KNR
31.07.2025 - 10:09
Ein nýggjur flokkur er um at vera stovnaður í Grønlandi.
Hann kallast "Flokkurin fyri sjálvstøðugt Eysturgrønland."
Mike Nicolaisen, sum stovnar flokkin, sigur við KNR, at seinastu 10 til 15 árini er Eysturgrønland vorðið støðugt meira avbyrgt, niðurraðfest, einfaldliga gloymt.
Nýggi flokkurin vil loysa frá Grønlandi.
Byrjaði við mótmælisgongum
Tað byrjaði við mótmælisgongum í Tasiilaq í Eysturgrønlandi fyri góðum tveimum mánaðum síðani.
Men eingir batar eru at hóma, sigur Mike Nicolaisen, sum nú hevur stovnað loysingarflokk.
Hann sigur, at hetta er vissuliga ógvisligt stig, men tað vísir bara, hvussu ring støðan er í Eysturgrønlandi.
Í fyrsta umfari verður nú bíðað eftir, hvørjum landsstýrið kemur við.
Er kopiera
Nýggjastu sendingar í ÚV
Nýggjastu sendingar í SV
