Bjarni Hammer: Eg vil ikki vera gísli hjá Framsókn

- Málini um Suðuroyartunnilin og hækkingin av pensjónsaldrinum hanga als ikki saman. Eg vil ikki lata meg taka til gísla av Framsókn.

Tað sigur Bjarni Hammer, løgtingsmaður hjá Javnaðarflokkinum.

Hann var bersøgin, tá hann hevði orðið í tinginum í gjár um løgmansrøðuna.

- Eg eri sera vónbrotin av, at vit ikki sluppu av við Framsókn fyri ólavsøku. Tað er einki minni enn ein skandala og ein sorgarleikur fyri Suðuroynna, segði Bjarni Hammer.

Ruth Vang, landsstýriskvinna í fíggjarmálum og forkvinna í Framsókn, hevur sagt, at flokkurin krevur, at málið um at hækka pensjónsaldurn verður samtykt, áðrenn tingið samtykkir Suðuroyartunnilin.

Hoyr innslag í útvarpstíðindunum: