Land og kommunur kunnu keypa upp á borg í Rúsuni

Skjótt fara land og kommunur at kunna keypa upp á borg í Rúsuni.

Løgmálaráðið hevur gjørt uppskot um kunngerð, sum loyvir tí.

Meginreglan er annars, at Rúsdrekkasøla landsins ikki hevur loyvi til at selja upp á borg.

Tó er loyvt at selja upp á borg til teirra, sum hava skeinkiloyvi. 

Og tey fáa eisini mongdaravsláttur upp á vín og hvítvín, stendur í kunngerðini, sum nú er.

Og tað verður standandi í broyttu kunngerðini.

Hatta við landi og kommunum og borg er gjørt fyri at nágreina kunngerðina, sigur Løgmálaráðið.

Orsøkin til nágreiningina er, at forboðið fyri at selja upp á borg bara er viðkomandi, har talan er um veruligan váða fyri at missa pening av at selja upp á borg.

Og tann váðin er ikki, tá selt verður til land og kommunur, heldur Løgmálaráðið.