Veljarakanning: Stjórnin hjá Støre heldur fram

Val er í Noregi um eina viku, mánadagin 8. september. 

Sambært nýggjastu veljarakanningunum, so eru útlit til,  at stjórnin hjá Jonas Geir Støre fer at halda fram. 

Í løtuni stendur vinstrivongurin til at fáa 88 sessir í Stórtinginum og høgrivongurin 81 sessir. 

Fyri at hava meiriluti í Stórtiginum, krevjast 85 tingfólk.

Stór framgongd

Abeiðaraflokkurin hevur havt stóra framgongd seinastu tíðina, meðan hann hevur sitið einsamallur í stjórn, og Jens Stoltenberg kom aftur upp í politik.

Í desember í fjør góvu veljarakanningarnar Arbeiðaraflokkinum 16,8 prosent, men stóra kanningin frá august gevur flokkinum 28,2 prosent av atkvøðunum. Altso ein framgongd upp á góð 11 prosentstig.

Tað er Norstat, ið hevur spurt 15.200 veljarar í øllum valdømum í Noregi.