Zelenskyj á vitjan í Danmark

Ukrainski forsetin, Volodymyr Zelenskyj, er á vitjan í Danmark, og hann hevur í løtuni fund við Mette Frederiksen, forsætisráðharra, á Marienborg.

Á fundinum eru eisini ríkis- og stjórnarleiðarar í hinum Norðurlondum og baltisku londunum.

Mette Frederiksen og Zelenskyj hava tíðindafund seinnapartin.

Mette Frederiksen segði undan fundinum við ukrainska forsetan, at Norðanlond og baltisku londini eru millum teirra, sum lata Ukraina mestu hjálpina til kríggið móti Russlandi, og hon er fegin um at hitta Zelenskyj og hinar leiðararnar. 

Hetta er triðju ferð, at Zelenskyj vitjar í Danmark. Seinni í dag fer ukrainski forsetin til Fraklands á vitjan.