Ferðafólk skulu ikki einsamøll í hagan

Ferðafólk eiga ikki at sleppa at ganga í høvunum uttan at hava ráðført seg við ein staðkendan á staðnum fyrst. Tað sigur Borgarstjórin í Kunoyar Kommunu, Ólavur Nybo. Hann heldur, at har eigur at vera eitt stað at venda sær, tá man vil í hagan, og her skulu tey vitjandi fáa góð ráð og vegleiðing um, hvar tað er ráðiligt at ganga, undir teimum umstøðum sum eru galdandi, veðurlíkindum og annað.

Tað eru nøkur støð, sum eru serliga vældámd millum ferðafólk og Kunoyggin er eitt av teimum. Men Kunoyggin er eisini lendi, sum er ringt at ganga í, og tað hava verið fleiri dømir um, at fólk koma illa fyri í oynni, tí tey ikki vita, hvussu tey skulu uppføra seg í náttúruni. Tað má vera ein á staðnum, sum ráðførir seg við tey, sum vilja í hagan í Konoy sigur borgarstjórin.