Givin at leita eftir horvnu ferðafólkunum

Løgreglan er givin at leita eftir suðurkoreansku kvinnunum, Soo Jung Park og Soo Yeon Park. 

Tað boðar løgreglan frá.

Løgreglan staðfestir, at kvinnurnar eru ikki funnar. Men løgreglan vil tó framvegis frætta frá fólki, sum hava verið í samband við kvinnurnar.

Tað var leygardagin 6. september, at løgreglan eftirlýsti tær báðar kvinnurnar úr Suðurkorea. Løgreglan upplýsti tá, at telefonupplýsingar frá kvinnunum vístu, at tær seinast vóru í økinum nærhendis Trælanýpuna og Bøsdalafoss, týsdagin 2. september klokkan 20:46.

Sama dag, leygardagin 6. september, gavst løgreglan at leita eftir Pedro Enrique Moreno Hentz úr Meksiko.

Sambært løgregluni vístu seinastu telefonupplýsingar frá honum, at hann var staddur nærhendis Bøstalafossi um middagsleitið, mikudagin 3. september. Seinnapartin 4. september var ryggsekkur hansara funnin í Mykinesfirði. 

(Dagført klokkan 14.00)

Hoyr samrøðu við Kára Jacobsen, leiðara á kanningardeildini hjá løgregluni, í útvarpstíðindunum: