Steðgur í samráðingunum millum Russland og Ukraina

Steðgur er komin í samráðingarnar um frið millum Russland og Ukraina, skrivar danska kringvarpið

Dmitrij Peskov, talsmaður fyri Kreml, sigur, at Russland samráðist ikki í løtuni. 

- Samskiftisleiðirnar eru har og virka. Samráðingarumboð okkara hava møguleika at samskifta gjøgnum tær. Men í løtuni er tað helst meira neyvt at siga, at steðgur er í, sigur talsmaðurin.

Evropeisk lond forða fyri eini friðarligari samrøðu um Ukraina, sigur  Peskov.

- Russiska síðan er framvegis til reiðar at vera við í einari friðarligari samrøðu. Men tað er heilt rætt, at evropear forða fyri tí, sigur Peskov.