Strangar reglur at skriva um Pentagon

Strangar reglur at skriva um Pentagon
Journalistar skulu skriva undir yvirlýsing um ikki at brúka ella lata víðari upplýsingar, sum stjórnin ikki formliga hevur góðkent
Reglurnar at skriva um amerikanska verjumálaráðið, Pentagon, eru nógv herdar.
Mynd: Shutterstock.com  
 
22.09.2025 - 09:38

Fleiri miðlar í USA, m.a. New York Times og Wall Street Journal, finnast at nýggju reglunum fyri fjølmiðlar, sum vilja skriva um Pentagon og amerikanska herin.

Tað skrivar Reuters-tíðindastovan, sum hevur tosað við miðlarnar.

Pentagon boðaði fríggjadagin frá, at nýggjar avmarkingar eru fyri journalistar, sum skriva um verjumálaráðið.

Journalistar skulu nú at skriva undir eina yvirlýsing um ikki at savna inn, brúka ella lata víðari upplýsingar, sum stjórnin ikki formliga hevur góðkent til almenna útgávu.

 

Kunnu missa góðkenningina

Gera journalistar ikki tað, eru teir í vanda fyri at missa góðkenningina at skriva um amerikanska herin, skrivar The New York Times.

Talsfólk fyri New York Times sigur í fráboðan, at nýggju avmarkingarnar eru sera ørkymlandi.

- Frælsir og sjálvstøðugir miðlar eru umráðandi fyri amerikanska fólkaræðið og tryggja gjøgnumskygni og ábyrgd. Eitt og hvørt átak hjá stjórnini at avmarka møguleikarnar hjá journalistum at bera tíðindini máar støðið undan grundleggjandi verjuni, sambært First Amendment, stendur í fráboðanini.

First Amendment er fyrsta grundlógartilmælið í USA, sum er parturin, ið verjir talu- og skrivfrælsi, sum er rætturin at siga sína hugsan og at prenta og geva út uttan sensur.


 

Er kopiera
Nýggjastu sendingar í ÚV
Sunnudag 7. desember
Akademia:"Hvat er dygd?"
201072
Leygardag 6. desember
PLÁTUPANELIÐ #34 (1980)
201137
Leygardag 6. desember
Jambalaja - 061225
201123
Leygardag 6. desember
Vikan 6. desember 2025
201115
Nýggjastu sendingar í SV
Leygardag 6. desember
Hondbóltur: Føroyar - Ísland
201142
Leygardag 6. desember
HM24: Spania - Týskland
201139
Leygardag 6. desember
Dagur og vika - teknmálstulkað
201114
Fríggjadag 5. desember
Veðrið
201099
Fríggjadag 5. desember
HM25: Montenegro - Týskland
201067