- Tíðindi, mentan og ítróttur
Kvotuhækkingin á Flemish Kap ger góðan mun hjá línuskipunum
Kvotuhækkingin á Flemish Kap ger góðan mun hjá línuskipunum
Føroyska toskakvotan næsta ár verður 3.433 tons, og tað er næststørsta kvota síðani 2010
Klakkur er eitt av frystilínuskipunum, sum hevur roynt á Flemish Kap.
23.09.2025 - 13:22
Tað fer at gera góðan mun hjá føroysku línuskipunum, sigur Stefan í Skorini, stjóri í Reiðarafelagnum, nú føroyska toskakvotan á Flemish Kap hækkar góð 600 tons.
Ársfundurin hjá NAFO hevur gjørt semju um kvotur fyri næsta ár.
Føroyska toskakvotan í 2026 verður 3.433 tons.
Hetta er næststørsta toskakvota hjá føroyskum skipum, síðai fiskiskapurin læt uppaftur í 2010.
Stefan í Skorini.
Fyri nøkrum árum síðan var kvotan heilt uppi á 17.500 tonsum, og síðan hevur hon verið heilt lítil í nøkur ár. Men nú er kvotan tann sama, sum hon var fyri nøkrum árum síðan.
Fiskiskapurin eftir toski á Flemish Kap hevur næstan altíð verið sera góður, og skipini fáa mangan kanska eitt kg fyri hvønn húk, og tað er sera góður fiskiskapur við línu, sigur Stefan í Skorini.
Hoyr innslag í útvarpstíðindunum:
23092025_Flemish_Kap
Er kopiera
Nýggjastu sendingar í ÚV
