Stúra ikki fyri, at sparingin í mvg verður løgd oman á prísin

Landsstýrið stúrir ikki fyri, at handlarnir fara at leggja tað, sum teir spara í meirvirðisgjaldi, ella part av tí, oman á prísin.

Einki stendur um hetta í lógaruppskotinum um at strika meirvirðisgjaldið á blæum, eplum og grønmeti.

Sambært uppskotinum er bruttovinningurin fyri epli og grønmeti 25 prosent.

Fyri barnablæur er bruttovinningurin leysliga mettur at vera 35 prosent.

Landsstýrið sigur, at uppskotið hevur umsitingarligar avleiðingar fyri vinnuna, sum skal halda skil á ymsum meirvirðisgjøldum.

Størri umsitingarkostnaður hjá vinnuni kunnu minka kappingina.

Les uppskotið her.