Norðurlendskir stjórnarleiðarar hava summarfund í Keypmannahavn

Norðurlendskir stjórnarleiðarar hittast í Keypmannahavn í dag.

Talan er um árliga summarfundin.

Danmark og Føroyar eru vertir fyri fundinum, har eisini Grønland og Áland eru við.

Sambært danska forsætismálaráðnum skulu ríkis- og stjórnarleiðararnir umrøða eitt styrkt verjusamstarv.

Byrjaðu á kernu

Fyrsti partur av fundinum er á Høvelte kasernu, har danski verjuovastin eisini verður hjástaddur.

Síðani verður farið á Marienborg, har fundurin heldur fram.

Umframt felags verjupolitikk fara norðurlendsku leiðararnir at umrøða, hvussu børn og ung kunnu verjast fyru hóttanum á internetinum.

Við á fundinum í Keypmannahavn í dag eru - umframt vertirnar Mette Frederiksen og Beinir Johannesen - finski forsætisráðharrin Petteri Orpo, svenski forsætisráðharrin Ulf Kristersson, norski forsætisráðharrin Jonas Gahr Støre, íslendski forsætisráðharrin Kristrún Frostadóttir, og stjórnarleiðararnir í Grønlandi og Álandi, Jens-Frederik Nielsen og Katrin Sjögren. 

Myndir: Mads Claus Rasmussen/Ritzau Scanpix

Norðurlendskir stjórnarleiðarar, Beinir Johannesen

Norðurlendskir stjórnarleiðarar

Norðurlendskir stjórnarleiðarar

Norðurlendskir stjórnarleiðarar

Beinir Johannesen, Mette Frederiksen og Jens-Frederik Nielsen

Norðurlendskir stjórnarleiðarar

Norðurlendskir stjórnarleiðarar

Norðurlendskir stjórnarleiðarar