Alfred Petersen nýggjur formaður í ALS

Alfred Petersen, advokatur, er nú stýrisformaður í ALS.

Margit Stórá, landsstýriskvinna í arbeiðsmarknaðarmálum, hevur tilnevnt nýtt stýri.

Sjey fólk eru í stýrinum.

Hini eru Elin Sørensen, næstforkvinna í Føroya arbeiðarafelag, Birgir Waag Høgnesen, starvsfólk hjá Fiskimannafelagnum, Óluva í Gong, forkvinna í Felagnum føroyskir sjúkrarøktarfrøðingar, Niels Winther, stjóri í Føroya arbeiðsgevarafelag, Rósa Olsen, umsitingarleiðari hjá Framherja, og Atli Leo, ráðgevi í Fíggjarmálaráðnum.

Tey eru vald eftir tilmæli frá pørtunum á arbeiðsmarknaðinum.

Formaðurin er valdur uttan tilmæli.

Nýggja ALS stýrið tók við mikudagin. Tað situr í fýra ár.