Jens Sivar Djurhuus: Eg tók myndina av hekkuportrinum á Galaxy

Hekkuportrið á Galaxy var opið á opnum havi tann 1. september.

Tað er Jens Sivar Djurhuus í Vági vitni uppá. Tað var hann, sum tók myndina av opna hekkuportrinum tann 1. september kl. 19.36. Hann var í lógligum ørindum á biladekkinum og tók myndina, tí hann var vísur í, at alt ikki ruggaði rætt.

Hann væntaði, at myndugleikarnir fóru at taka sær av málinum, men so varð ikki, og tí velur hann í dag at standa fram.

Jens Sivar Djurhuus var til arbeiðis á biladekkinum og hevði loyvi at vera har. Hann udraðist, tá hann sá dagsljós gjøgnum hekkuportrið.

Galaxy, Hekkuportur á Galaxy

Myndin, sum Jens Sivar Djurhuus tók á biladekkinum á Galaxy tann 1. september klokkan 19.36   (Mynd: Jens Sivar Djurhuus)

Metadata frá myndini vísa, at Galaxy var stødd út fyri Lítlu Dímun, tá Jens Sivar Djurhuus tók myndina av opna hekkuportrinum. 

vikmargalaxy.png

Vikmar hevur roknað seg fram til, at tá myndin varð tikin av opna hekkuportrinum, var Galaxy út fyri Lítlu Dímun (Mynd: Vikmar)