Uttanlandsnevndin viðger revsitiltøk móti Russlandi og Hvítarusslandi

Løgmaður, landsstýrismaðurin í fiskivinnu- og samferðslumálum, Vørn og fútin hava fingið fundarboð frá uttanlandsnevndini hjá løgtinginum.

Nevndin hevur fund fyrrapartin.

Hon viðger málið um víðkað revsitiltøk móti Russlandi og Hvítarusslandi. 

Lógaruppskotið hjá landsstýrinum hevur verið í uttanlandsnevndini síðani 28. august.

Nevndin hevur biðið um og fingið longda freist frá formansskapinum til 29. oktober at skriva álit.