Ísrael hevur útflýggjað líkini av 30 palestinum

Ísrael hevur flutt líkini av 30 palestinum, sum hava latið lív í krígnum, aftur til Gasa.

Tað upplýsa heilsumyndugleikarnir í Gasa, sum Hamas hevur valdið á, fyri Reuters.

Sostatt eru 120 deyðir palestinar útflýggjaðir.

Sambært vápnahvíldaravtaluni millum Ísrael og Hamas, sum kom í gildi fríggjadagin, skal Ísrael útflýggja líkini av 15 palestinum fyri hvønn deyðan ísraelskan gísla, sum Hamas skal útflýggja.

Fyribils hevur Hamas útflýggjað líkini av níggju ísraelskum gíslum. Tíggjunda líkið vísti seg ikki at vera ísraelskur gísli.