MTV í Evropa verður sløkt

Most wanted, Headbanger´s ball og Beavis and Butthead.

Í 80unum og 90unum vóru hesar millum mest populeru sendingar á tónleikarásini MTV.

Umframt hesar eyðkendu sendingarnar blivu videoløg hjá Guns N´ Roses, Radiohead, Madonna, REM og fleiri øðrum spæld alt samdøgrið.

Seinastu árini hevur tónleikurin tó fylt lítið og einki á MTV. Rásin, sum annars hevði stóra ávirkan á tónleika- og poppmentanina. Ístaðin hava ymiskar realityrøðir verið at sæð á MTV.

Men um ársskiftið verða allar fimm tonleikarásirnar hjá MTV í Europa sløktar.

Eftir verður bert tann eina rásin - høvuðsrásin MTV Channel, sum leggur størstan dent á reality sjónvarp heldur enn tónleik.

Og tað er ein stór broyting, tí MTV hevur útvið 40 ár á baki. 

MTV byrjaði í USA í 1981 og kom til Evropa í 1987.

Í morgunsendingini hugleiða Niels Uni Dam og Siri S. Hansen um tíðina, tá tey hugdu at sjónbandaløgum á MTV.