Vóna at fáa fullan limaskap í Norðurlandaráðnum komandi ár

Føroyar fáa nú saman við Danmark formanssessin í Norðurlendska Ráðharraráðnum. Á Norðurlandafundinum í Stokkhólmi seinnapartin segði Aksel V. Johannesen, løgmaður millum annað, at Føroyar nú eiga at fáa fullgyldigan limaskap í Norðurlandaráðnum. 

Norðurlandaráðsfundur í Stokkhólmi 2025

- Vit hava søkt um limaskap í Norðurlandaráðnum tríggjar ferðir. Seinast í 2016 og tann umsóknin er ikki avgreidd enn. Hon bíðar nú eftir kommissiónini og nú fáa vit ávirkan á ta kommissiónina og so vóna vit, at kommissiónin kemur til eina niðurstøðu, sum broytir Helsingforsavtaluna, soleiðis at 'ikki statir' eisini kunnu vera limir og við tí avgerð vit hava um WTO, so er øgiliga sannlíkt, at statsrætturin heldur ikki er ein forðing fyri at kunna vera limur í Norðurlandaráðnum. So vit vóna, at hetta kann viðføra, at Føroyar verða sjálvstøðugur limur í Norðurlandaráðnum, segði Aksel V. Johannesen við Kringvarpið eftir fundin.