Rættarnevndin viðger fosturtøkumálið aftur mánadagin

Hóast forkvinnan í rættarnevndini, Hervør Pálsdóttir, segði fyri einum mánaði síðani, tá nevndin fekk fosturtøkumálið, at nevndin skrivaði álit, áðrenn freistin fór, ger nevndin ikki tað.

Freistin fer í morgin.

Men fosturtøkumálið er á dagsskránni hjá rættarnevndini mánadagin.

Tá hevur nevndin sent boð eftir landsstýriskvinnuni í heilsumálum saman við Gynækologiska ambulatorium á Landssjúkrahúsinum, landsstýrismanninum í lógarmálum saman við Familjufyrisitingini og biskupi.

Ein onnur nevnd, uttanlandsnevndin, hevur freist til í dag at skriva álit um átøk móti Russlandi og Hvítarusslandi.

Hon fekk freistina longda ein mánað.

Tingfundur er fríggjadagin. Bara framløga er á skránni.