Poul Michelsen um nýskipanirnar: Sum at skjóta spurvar við kanón

Hetta er eitt reint populistiskt uppskot.

Tað sigur Poul Michelsen, fyrrverandi løgtingsmaður, fyrrverandi landsstýrismaður og floksformaður í Framsókn, um avgerðina hjá løgmanni at senda tríggjar landsstýrismenn og tríggjar aðalstjórar til hús.

Hann heldur eisini, at tað er at niðurgera arbeiðið hjá landsstýrisfólkunum at minka talið av teimum.

Sambært Poul Michelsen er arbeiðsbyrðan hjá politisku skipanini í Føroyum vaksin í takt við at vit alsamt er meira við í altjóða samfelagnum, og tí er tað at ganga skeivan veg, at lækka talið av landsstýrisfólkum.

Stovnarin av Framsókn finst eisini at javnvágini millum politikararnar og embætisfólkini, tí við størri ráðum og færri landsstýrisfólkum skeiklast henda javnvágin, heldur hann.

- Tað hevur við sær, at demokratiið viknar og tað er ikki ta leiðina vit skulu ganga, sigur hann

Og hann heldur tað eisini vera at niðurgera arbeiðið hjá landsstýrisfólkunum.

Trýst á leinkið niðanfyri og hoyr alt innslagið, sum var í tíðindunum klokkan 18.