Niels Juel Arge fer frá sum strandferðslustjóri

Fiskivinnu- og samferðslumálaráðið og Niels Juel Arge eru í dag vorðin samd um, at Niels Juel Arge fer úr starvi sínum sum stjóri á Strandfaraskipum Landsins. 

Tað upplýsir Fiskivinnu- og samferðslumálaráðið.

Niels Juel Arge er fríttstillaður frá í dag, men hann skal skal tó vera til taks at svara fyrispurningum, sum kunnu stinga seg upp, m.a. í sambandi við, at stjóraskifti fer fram á Strandfaraskipum Landsins, sigur Fiskivinnu- og samferðslumálaráðið.

Dánjal Samuelsen, samferðsluleiðari á SSL, tekur við sum virkandi stjóri.

Niels Juel Arge hevur verið stjóri á Strandferðsluni síðani 1. november í 2022.