Politiið og ákæruvaldið í Føroyum verða kannað

Statsadvokaturin í Keypmannahavn kannar nú lutin hjá politinum og ákæruvaldinum í Føroyum eftir atfinningar í fjølmiðlunum síðst í januar um, at mál um fíggjarligan kriminalitet vera ikki nóg væl kannað ella slept, sigur danski løgmálaráðharrin.

Revsimál um fíggjarligan kriminalitet, millum annað, har KT er brúkt til dátusvik, vera kannað.

Hetta eru mál, har politiið ikki helt grundarlag vera fyri kanning yvirhøvur, ella har kanningararbeiðið helt stegðaði, uttan at ákæra var reist.

Talan er um mál frá 2023 og 2024.

Kannað verður, um nóg nógv kanningararbeiði er gjørt, og um avgerðin um málið byggir á rætt grundarlag, og ikki er ósaklig.

Kannað verður eisini, um tann, sum heldur seg hava verið fyri órætti, hevur fingið rætta vegleiðing um, hvussu til ber at kæra avgerðina hjá politinum.

Kanningarúrslitið verður sent danska løgmálaráðnum fyri 1. apríl næsta ár.