Føroyska bruttoskuldin eigur at vera nærri íslendska hámarkinum

Føroyski búskapurin er lítil og viðbrekin. Tí eigur eitt hámark fyri, hvussu stór almenna bruttoskuldin kann vera í prosentum av bruttotjóðarúrtøkuni, ikki vera ov høgt. 
Tað heldur formaðurin í Búskaparráðnum, Johnny í Grótinum.

Í uppskotinum hjá Fíggjarmálaráðnum til eitt fíggjarpolitiskt regluverk er ikki ásett, hvussu stór almenna bruttoskuldin tilsamans kann vera av í prosentum av bruttotjóðarúrtøkuni. 

Í ES ásetir fíggjarpolitiska regluverkið, at almenna bruttoskuldin ikki skal fara upp um 60 prosent av bruttotjóðarúrtøkuni í ES-londunum. 

Í Svøríki er hámarkið 35 prosent, men í Íslandi er ásett, at almenna bruttoskuldin skal ikki vera størri enn 30 prosent av bruttotjóðarúrtøkuni.

Formaðurin í Búskaparráðnum heldur, at eitt føroyskt hámark eigur at leggja nærri íslendska hámarkinum enn hámarkinum í ES:

   
Nøkur lond í ES hava hava ilt við at halda ásetingina um, at almenna bruttoskuldin ikki skal fara upp um 60 prosent av BTÚ. Men hvusu er støðan í Íslandi?

Í eini tíðargrein í Sosialinum 21. november skrivar formaðurin í Búskaparráðnum, at tað er ein veikleiki í lógaruppskotinum til fíggjarpolitiskt regluverk, at einki hámark er fyri almennu lántøkuni. Í tíðargreini er upplýst, at almenna bruttoskuldin, tað er øll skuldin hjá landinum, kommununum og tunnilsfelagnum, er góðar níggju milliardir krónur.