Nýggjur fóðurflaki við vitlíki

Bakkafrost hevur fingið ein nýggjan fóðurflaka, sum nú er komin upp á pláss á aliøkinum í Fuglafirði.

Flakin er bygdur hjá GroAqua í Póllandi, og hevur pláss fyri 700 tonsum av fóðri. Við 18 fóðurlinjum kann hann fóðra 18 aliringar samstundis.

Men hann er partur av nýggju fóðurflakunum hjá Bakkafrosti, tí hann er útgjørdur við eitt nú vitlíki.

Fóðurskipanin og stýringin eru ment hjá GroAqua á Kambsdali, og nýggja tøknin við vitlíki verður nú tikin í nýtslu fyri at gagnnýta fóðrið betur enn áður.

Á fóðurmiðstøðini við Grótrætt í Klaksvík verður hildið eyga við fóðringini.

Sambært GroAqua skal vitlíkisskipanin gera arbeiðið bæði effektivari, geva betri yvirlit og styrkja um umhvørvisligu avrikini hjá alivinnuni.

Torvgjógv er eisini fyrireikaður til landstreym, so flakin í framtíðini kann rekast meira orkusparandi og umhvørvisvinarliga.

Seinasta árið hevur GroAqua latið Bakkafrost fýra nýggjar fóðurflakar í Føroyum.