- Tíðindi, mentan og ítróttur
Jólahugni í Klaksvík
Jólahugni í Klaksvík
Jólatræið í Klaksvík varð tendrað í gjár
Trøllapætur og jólamaðurin tendraðu jólatræið í felag
Mynd: Bárður Lydersen
30.11.2025 - 18:48
Í fagrasta jólaveðri við eitt sindur av kulda og kava, júst sum tað eigur at vera á hesi ársins tíð, var væl prýdda jólatræið í Klaksvík tendrað seinnapartin leygardagin.
Hugnaligar jólatónar frá Klaksvíkar Hornorkestri fløvaðu løtuna saman við góðum røðum frá Øssuri Kjølbro, sóknarpresti, og Anniku Steintórsdóttir Biskupstø, býráðslimi. Eisini komu jólamaðurin, Trøllapætur og ommudidd at hjálpa við at tendra jólatræið.
Síðan var farið í Varpið til eina hugnaløtu, har Karl Martin Samuelsen framførdi nøkur jólaløg og børnini fingu pakka frá jólamanninum.
Aftaná jólatræið var tendrað, læt jól í gamla Klaksvíkshandlinum upp. Tað er í Fornminnissavninum at hugnaligi jólahandilin heldur til hvørt vikuskifti í desembur.
Ein frálíkur dagur, og ein ljósskrýddur miðbýur stendur nú og gleðir seg til jóla.
Er kopiera
Nýggjastu sendingar í ÚV
Nýggjastu sendingar í SV
