Vilja ikki gera viðmerkingar um eykarokningar fyri H-bygningin

Tað hevur ikki eydnast Kringvarpinum at fáa Í/F Faerport II Konsortium  at gera viðmerkingar um eykarokningina fyri H-bygningin á Landssjúkrahúsinum.

Síðani týsdagin hevur Kringvarpið roynt at fáa viðmerkingar frá Íognarfelagnum, sum hevur projekterað og hevur havt fakliga eftirlitið við arbeiðnum at smíða H-bygningin.

Biðið er um 33,8 milliónir krónur til at umvæla H-bygningin á Landssjúkrahúsinum. Trupulleikin við bygninginum er, at hann lekur illa, og stórir partar av nýggja bygninginum kunnu ikki brúkast.

Mánakvøldið upplýsti Landsverk fyri Kringvarpinum, at Landsverk ætlar at stevna P/f MT-Højgaard Føroyar, sum hevur smíðað bygningin og lokað hann inni, og Íognarfelagnum Faerport II Konsortium, sum hevur projekterað og havt fakliga eftirlitið.

Arbeitt eftir verkætlanini

Stjórin í P/f MT Højgaard Føroyar, Sven Klejs Mortensen, hevur tosað við Kringarpið, og hann hevur víst til óhefta frágreiðing frá juni í ár, har staðfest verður, at byggitilfar, sum hevur verið brúkt, ikki er hóskandi til geografisku staðsetingina.

Hann viðurkennur ikki, at MT Højgaard hevur ábyrgdina fyri, at bygningurin legur, og sigur m.a. at MT Højgaard hevur gjørt arbeiðið fult og heilt eftir fyriliggjandi projektinum ella verkætlanini, og at gjørda arbeiðið hevur verið góðkent so hvørt, sum tað er gjørt.

Hoyr meira her: