Breddin: Suðuroyartunnilin aftur í tinginum

Ársins orð 2025 er suðuroyartunnil.

Orðið bleiv kosið í morgunsendingini, Góðan morgun Føroyar, í gjár.

Og í gjár var nýggja uppskotið um Suðuroyartunnilin eisini til 1. viðgerð í Løgtinginum. Tað er farið í fíggjarnevndina, sum nú skal venda og snara bæði kostnaði, farleiðum og fíggingarleisti, áðrenn løgtingið aftur fær orðið.

Lógaruppskotið snýr seg um at fáa heimild at fyrireika, prosjektera og bjóða út arbeiðið at gera Suðuroyartunnil - eina verkætlan, sum sambært uppskotinum kann kosta upp móti fimm milliardum krónum. Men hóast nógv er broytt síðani seinasta umfar fyrr í ár,  verða spurnartekn nú sett við politisku semjuna, sum løgmaður segði seg vilja hava.

Í dag seta vit spurningin: Hvat merkir hetta fyri tunnilsverkætlanina, og hvat fer fíggjarnevndin at arbeiða við, áðrenn álit verður skrivað? 

Breddin klokkan 10.