Møguleiki fyri, at USA brúkar Ísland at gera innrás í Grønland

Møguleiki er fyri, at USA brúkar Ísland til at gera innrás í Grønland. 

Tað sigur Bald­ur Þór­halls­son, stjórnmálafrøðingur, á Facebook, sum miðilin heimildin.is. endurgevur.

Hann undrast á, at politikarar í Íslandi als ikki látast um vón.

Bald­ur Þór­halls­son er serfrøðingur í smáríkjum.

Hann sigur tað ikki vera útilokað, at Trump er størri hóttan móti londunum í NATO enn Putin, og hugsar her um Grønland.

Tað er meira sannlíkt, at USA loypur á Grønland enn Russland á NATO-lond, sigur hann.

Lopfjøl

Bald­ur Þór­halls­son ávarar móti, at USA brúkar Ísland sum lopfjøl, tá ella um Grønland skal takast. 

Hann nevnir eisini møguleikan, at Ísland fer upp í ES.

Kristrún Frostadóttir, íslendski forsætisráðharrin, sigur, at Grønland er partur av danska kongsríkinum.

Einki um Grønland uttan um Grønland. 

Ísland stuðlar vinum sínum, sigur hon, uttan tó at nevna USA ella Trump.