Vil endurskapa gott samstarv við amerikanarar

- Ein tíð, sum krevur samanhald.

Tað var boðskapurin hjá grønlendska landsstýrisformanninum, Jens-Frederik Nielsen, sum hevði tíðindafund í gjárkvøldið, nú amerikanski forsetin aftur hevur nevnt møguleikan, at Grønland skal gerast partur av USA.

Grønlendska landsstýrið tekur støðuna í stórum álvara, sigur Jens-Frederik Nielsen, men hann stúrir ikki fyri, at USA fer at gera líknandi tiltøk móti Grønlandi, sum tað gjørdi móti Venesuela.

Vil hava status quo

- Vit eru ikki í tí støðu, har vit hugsa, at Grønland verður tikið eftir einari nátt.

Jens-Frederik Nielsen heldur tó, at Grønland nú skal royna at endurskapa góða samstarvið við amerikanarar.

- Vit vilja tað góða samstarvið, og tað er eisini tað, vit leggja dent á. Vit vilja aftur til status quo, sigur grønlendski landsstýrisformaðurin.