Serligi sendimaðurin: Eingin ætlan um at taka Grønland

Jeff Landry, sum er tilnevndur serligur amerikanskur sendimaður í Grønlandi, heldur ikki, at USA fer at taka Grønland.

Tað sigur hann við miðilin CNBC, tá hann verður spurdur um tað, sum Donald Trump, forseti, hevur sagt um Grønand.

- Eg haldi ikki, at tað er tað, forsetin tosar um, sigur Jeff Landry við CNBC, sambært Ritzau.

Hann vísir eisini aftur, at tað er í lagi at taka Grønland við valdi.

Longu í desember legði serligi amerikanski sendimaðurin dent á í samrøðu við Fox News, at USA hevur ongar ætlanir um "at taka land hjá øðrum."

Trump hevur fleiri ferðir seinastu tíðiina tikið uppaftur, at USA hevur brúk fyri Grønlandi av trygdarávum. 

Hóast Landry vísir aftur, at Trump ætlar at yvirtaka Grønland, leggur hann tó fleiri ferðir í samrøðuni við CNBC dent á, at forsetin brúkar Monroe-doktrinina.

Fyrrverandi amerikanski forsetin, James Monroe, orðaði doktrinina í eini røðu fyri kongressini í 1823.