Vance verður vertur fyri fundin í Hvítu húsunum

Amerikanski varaforsetin, J.D.Vance, verður vertur fyri fundin við Lars Løkke Rasmussen, uttanríkisráðharra, og Vivian Motzfeldt, landsstýriskvinnu í uttanríkismálum í Grønlandi i morgin. Og fundurin verður Hvítu húsunum.

Tað upplýsti Lars Løkke Rasmussen eftir fund við uttanríkispolitisku nevndina í fólkatinginum fyrrapartin.

Upprunaliga var ætlanin, at bara Marco Rubio, uttanríkisráðharri, skuldi hitta Lars Løkke Rasmussen og Vivian Motzfeldt, men nú er greitt, at varaforsetin, J.D. Vance, skal vera vertur, og tí verður fundurin í Hvitu húsunum.

Troels Lund Poulsen, verjumálaráðharri, upplýsti eftir fundin við uttanríkispolitisku nevndina, at hann fer at hitta Nato-aðalskrivaran, Mark Rutte, mánadagin um Arktis, og Vivian Motzfeldt verður eisini við á hesum fundinum.

Sí videobrot við Lars Løkke Rasmussen og Troels Lund Poulsen her: